మరోసారి 'కజ్రారే' మ్యాజిక్.. బచ్చన్ ఫ్యామిలీ డ్యాన్స్ అదుర్స్.. వీడియో ఇదిగో!

బాలీవుడ్ స్టార్ కపుల్ ఐశ్వర్య రాయ్ బచ్చన్, అభిషేక్ బచ్చన్ విడాకులు తీసుకోబోతున్నారంటూ కొంతకాలంగా ప్రచారం జరుగుతోంది. అయితే, ఈ ప్రచారానికి చెక్ పెడుతూ ఈ జంట తమ కుమార్తె ఆరాధ్యతో కలిసి ముంబైలో జరిగిన ఓ వివాహ వేడుకలో సందడి చేశారు. ఈ కార్యక్రమానికి సంబంధించిన వీడియో ప్రస్తుతం సోషల్ మీడియాలో వైరల్ అవుతోంది.

శనివారం ముంబైలో జరిగిన ఈ వివాహ వేడుకలో గాయకుడు రాహుల్ వైద్య 'బంటీ ఔర్ బబ్లీ' సినిమాలోని సూపర్ హిట్ సాంగ్ 'కజ్రారే' పాడుతుండగా.. ఐశ్వర్య, అభిషేక్, ఆరాధ్య స్టేజ్‌పైకి వెళ్లి స్టెప్పులేశారు. ముగ్గురూ ఎంతో ఉత్సాహంగా డ్యాన్స్ చేస్తూ కనిపించారు. ఈ దృశ్యాలు చూసిన అభిమానులు, బచ్చన్ కుటుంబం ఎంతో సంతోషంగా ఉందని, విడాకుల వార్తల్లో నిజంలేదని కామెంట్లు చేస్తున్నారు.

బచ్చన్ కుటుంబం ఇలా 'కజ్రారే' పాటకు డ్యాన్స్ చేయడం ఇది మొదటిసారి కాదు. గత నెలలో పూణెలో జరిగిన ఐశ్వర్య బంధువుల వివాహ వేడుకలో కూడా ఈ ముగ్గురూ ఇదే పాటకు కలిసి డ్యాన్స్ చేసి అందరినీ అలరించారు.